ແຂວງຫົວພັນຍິນດີຕ້ອນຮັບ ງົດ​ງ​າມ​ພູ​ຜາ ນ້ຳ​ມ່າ​ສ່ອງ​ໃສ ວຽງ​ໄຊ​ປະ​ຫວັດ​ສາດ ຜ້າ​ໄໝຊຳ​ໃຕ້ ຫິນ​ຕັ້ງ​ຫົວ​ເມືອງ ຖິ່ນ​ພູ​ສາມ​ເຊົ່າ ຄົກ​ເຂົ້ານ້ຳ​ລິນ ແຜ່ນ​ດິນ​ວິ​ລະ​ຊົນ

ຫ້ອງວ່າການປົກຄອງແຂວງຫົວພັນ ຈັດກອງປະ​ຊຸມຝຶກອົບຮົມ ການ​ສ້າງ​ນິ​ຕິກ​ຳ​ລຸ່ມ​ກົດ​ໝາຍ ຄະນະທະຫານອາສາສະໝັກ ແລະ ຊ່ຽວຊານ ແຂວງຟູຖໍ້ ແລະ ແຂວງອຽນບາຍ ແຫ່ງ ສສ ຫວຽດນາມມາຢຽມຢາມ ແລະ ເຮັດວຽກຢູ່ແຂວງຫົວພັນ ຄະນະທ່ານ ອົງການຜູ້ຕ່າງກະຊວງຕຳຫຼວດແຫ່ງ ສສ ຫວຽດນາມປະຈຳ ສ ປ ປ ລາວ ມາຢຽມຢາມ ແລະ ເຮັດວຽກຢູ່ແຂວງຫົວພັນ ທ່ານ ສອ​ນ​ໄຊ​ສີ​ພັນ​ດອນ ຢ້ຽມ​ຢາມ​ແຂວງ​ຫົວ​ພັນ 17-19/5/2018 ທ່ານ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສ ປ ປ ລາວ  ມາຢຽມຢາມ ແລະ ເຮັດວຽກຢູ່ແຂວງຫົວພັນ ພິທີມອບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີI ປະຈຳປີ 2017 ຂອງດ່ານສາກົນນໍ້້າໂສຍ - ນາແມວ ກວດກາຜົນສຳເລັດ 100% ໂຄງການກໍ່ສ້າງທາງ ແຕ່ 5 ແຍກ ທົ່ງນາໄກ່ - ໂຮງຮຽນການເມືອງການປົກຄອງແຂວງ ແລະ ລົງຢ້ຽມຢາມບັນດາໂຄງການກໍ່ສ້າງ  9 ໂຄງການຫຼັກ ຢູ່ເມືອງວຽງໄຊ ຄະນະຜູ້ແທນສະພາປະຊາຊົນແຂວງແທັງຮວ່າ ສສ ຫວຽດນາມ ເຂົ້້າຢ້ຽມຂ່ຳນັບສະຫາຍ ວັນໄຊ ແພງຊຸມມາ ເລຂາພັກແຂວງ ເຈົ້າແຂວງຫົວພັນ ກວດກາຜົນສຳເລັດ 100% ໂຄງການກໍ່ສ້າງທາງບ້ານ ປ່າຄາໃຕ້ ຫາ ຂົວນໍ້າເປີນ ແລະ ຂົວນໍ້າເປີນ 1 ແຫ່ງ ສ້າງຂະບວນການຂໍ່ານັບຮັບຕ້ອນວັນກຳມະກອນສາກົນຄົບຮອບ 132 ປີ (1 ພຶດສະພາ 1886 – 1 ພຶດສະພາ 2018) ພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VI ປະຈຳປີ 2017 ຂອງໜ່ວຍພັກຫ້ອງວ່າການປົກຄອງແຂວງຫົວພັນ ແຂວງຫົວພັນຈັດງານບາສີສູ່ຂັວນປີໃໝ່ ພສ 2561 ການນຳແຂວງຫົວພັນໄປຢ້ຽມຢາມອວຍພອນບຸນປີໃຫມ່ ສສ ຫວຽດນາມ ລາຍງານສະພາບການລົງຊ່ວຍເຫຼືອບັນເທົາທຸກ ໃຫ້ແກ່ປະຊາຊົນບ້ານເມືອງເກີນ ເມືອງຊຳໃຕ້ ແຂວງຫົວພັນ ທີ່ໄດ້ຮັບຜົນກະທົບຈາກໄພທຳມະຊາດ ພິ​ທີ​ພົບ​ປະ​ ແລກ​ປ່ຽນ​ບົດ​ຮຽນ ວຽກ​ງານ​ຫ້ອງວ່າ​ການ ລະ​ຫວ່າງ ຫ້ອງວ່າ​ການ​ປົກ​ຄອງ​ແຂວງ​ຫົວ​ພັນ ແລະ ຫ້ອງວ່າ​ການ​ປົກ​ຄອງ​ແຂວງ​ຊຽງ​ຂວາງ

ຫ້ອງວ່າການປົກຄອງແຂວງຫົວພັນ ຈັດກອງປະ​ຊຸມຝຶກອົບຮົມ ການ​ສ້າງ​ນິ​ຕິກ​ຳ​ລຸ່ມ​ກົດ​ໝາຍ

IMG 5512

ໃນວັນທີ 30 ພຶດສະພາ 2018ຫ້ອງວ່າການປົກຄອງ​ແຂວງ​ຫົວພັນ ໄດ້ຈັດ​ກ​ອງຝຶກອົບຮົມ ວິທີ​ການ ​ແລະ ຂັ້ນ​ຕອນ​ໃນ​ການ​ສ້າງ​ນິຕິ​ກຳ​ລຸ່ມ​ກົດໝາຍ ຂຶ້ນຢູ່ທີ່ຫ້ອງ​ປະຊຸມ​ໃຫຍ່​ຊັ້ນ​ຫ້າ​ຫ້ອງ​ວ່າການ​ປົກຄອງ​ແຂວງພາຍໃຕ້ ການເປັນປະທານ ຂອງທ່ານ ພັນ​ທອງ ​ເພັດ​ໄຊ​ສົມ​ພັນ ຮອງ​ເຈົ້າ​ແຂວງ​ຫົວພັນ. ໂດຍເຊີນ​ເອົາ​ນັກວິທະຍາກອນ​ມາ​ຈາກສະພາ​ປະຊາຊົນ​​ແຂວງ​ຫົວພັນ ແລະ ມີນັກສຳມະນາກອນຈ​າກທຸກພະ​ແນ​ກການ​,ອົງການ​ທຽບ​ເທົ່າອ້ອມ​ຂ້າງ​ແຂວງ, ກ​ອງ​ບັນ​ຊາ​ການ​ທະ​ຫານ, ກ​ອງ​ບັນ​ຊາ​ການ ປກ​ສ ແລະ ລັດ​ວິ​ສາ​ຫະ​ກິດ​ເຂົ້າ​ຮ່ວ​ມ ຈຳນວນ 80 ກວ່າທ່ານ.

ການຈັດຊຸດຝຶກອົບຮົມຄັ້ງນີ້ ແມ່ນໜຶ່ງໃນຜັນ​ຂະຫຍາຍ​ຄູ່​ມື​ກ່ຽວກັບ​ການ​ສ້າງ​ຂໍ້​ຕົກລົງ​ຂອງ​ເຈົ້າ​ແຂວງ, ​ເຈົ້າ​ຄອງ​ນະຄອນ ທີ່​ສະພາ​ແຫ່ງ​ຊາດ ​ໄດ້​ຈັດ​ເຝິກອົບຮົມ​ໃຫ້​ສະພາ​ປະຊາຊົນ​ຂັ້ນ​ແຂວງ ​ແລະ ພະ​ແນ​ກການ​ອ້ອມ​ຂ້າງ​ແຂວງ 6 ​ແຂວງ​ພາກ​ເໜືອຢູ່​ທີ​ແຂວງ​ອຸດົມ​ໄຊ ຄັ້ງ​ວັນ​ທີ 5-6 / 6 / 2017 ​ແລະ ປະຕິບັດ​ແຈ້ງ​ການ​ຂອງ​ ຫ້ອງ​ວ່າການປົກຄອງ​ແຂວງ​ຫົວພັນ​ ​ເລກທີ 338/ຫປຂ.ຫພ ລົງ​ວັນ​ທີ 14 ມິຖຸນາ 2017 ວ່າ​ດ້ວຍ​ໃຫ້​ຄົ້ນ​ຄ້ວາຂື້ນ​ແຜນ​ສ້າງ​ນິຕິ​ກຳ​ລຸ່ມ​ກົດໝາຍຂັ້ນ​ແຂວງ​ທີ​ຈະ​ນຳ​ສະ​ເໜີຕໍ່ກອງ​ປະຊຸມ​ສະພາ​ປະຊາຊົນ​ແຂວງ ສະ​ໄໝສາ​ມັນ​ເທື່ອ​ທີ່ 3 ​ແລະ ​ເທື່ອ​ຕໍ່​ໄປ.

ໃນໂອກາດດຳເນີນການຝຶກອົບຮົມຄັ້ງນີ້, ນັກສຳມະນາກອນ ຈະໄດ້ຮຽນຮູ້ ​ແລະ ຮັບ​ຟັງ​ການ​ຜ່ານ​ຄຳ​ແນະນຳ​ເລກທີ 011 /ຄປຈ, ລົງ​ວັນ​ທີ 19 / 7 / 2017 ວ່າ​ດ້ຍການ​ພິຈາລະນາ, ຮັບຮອງ​ເອົາ​ນິຕິ​ກຳ​ສຳຄັນ​ຂອງ​ທ້ອງ​ຖິ່ນ ​ແລະ ​ຮັບ​ຟັງ​ການ​ບັນລະຍາຍ​ຄູ່​ມື​ການ​ສ້າງ​ນິຕິ​ກຳ​ລຸ່ມ​ກົດໝາຍ ຈາກ​ທ່ານ ນ. ອຳ​ໄພ​ວອນ ລ້ອມ​ບຸນ​ແພງ ຮອງ​ປະທານ​ສະພາ​ປະຊາຊົນ​ແຂວງ ​ແລະ ​ເອກະສານ ທີ​ຕັ້ງ, ພາລະ​ບົດບາດ, ສິດ ​ແລະ ໜ້າທີ່, ລະບົບ​ກົງຈັກ ​ແລະບຸກຄະລາ​ກອນ​ຂອງ ສະພາ​ປະຊາຊົນ​ແຂວງ​ຫົວພັນ ​ແລະ ຄະນະ​ສະມາຊິກ​ສະພາ​ແຫ່ງ​ຊາດ​ປະຈຳ​ເຂດ​ເລືອກ​ຕັ້ງ​ທີ​ແຂວງ​ຫົວພັນ. 

IMG 5517

IMG 5524

 

ໃນ​ໂອ​ກາດ​ຕອນ​​ທ້າຍ​ທ່ານ​ປ​ະທານກອງ​ປະ​ຊຸມກໍ່​ໄດ້​ຕີ​ລາ​ຄາ​ຍົກ​ສູງ​ເຖິ່ງ​ຜົນ​ສຳ​ເລັດ​ຂອງກອງ​ປະ​ຊຸມຝຶກອົບຮົມດັ່ງ​ກ່າວ​ ແລະ ເຊື້​ອ​ໝັ້ນ​ວ່າ​ບັນ​ດາ​ນັກ​ສຳ​ມະ​ນາກ​ອນ​ຈະ​ນ​ຳ​ເອົາ​ເນື້ອ​ໃນ​ຈິດ​ໃຈ​ການ​ຈັດຝຶກອົບຮົມຄັ້ງ​ນີ້​ໄປ​ຈັດ​ຕັ້ງ​ປະ​ຕິ​ບັດ​ເຂົ້າ​ໃນ​ຂະ​ບວນ​ການ​ຕົວ​ຈິງ ແລະ ມີ​ຜົນ​ສຳ​ເລັດ​ເປັນ​ຢ່າງ​ດີ.

 

ຄະນະທະຫານອາສາສະໝັກ ແລະ ຊ່ຽວຊານ ແຂວງຟູຖໍ້ ແລະ ແຂວງອຽນບາຍ ແຫ່ງ ສສ ຫວຽດນາມມາຢຽມຢາມ ແລະ ເຮັດວຽກຢູ່ແຂວງຫົວພັນ

 

IMG 5483

ໃນຕອນ​ແລງຂອງວັນທີ 28 ພຶດສະພາ 201ທີ່ຫ້ອງ​ຮັບແຂກຫ້ອງວ່າການ​ປົກຄອງ​ແຂວງ​ຫົວພັນ ສະຫາຍ ວັນ​ໄຊ ​ແພງ​ຊຸມ​ມາ ​ກຳມະການ​ສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງ​ຫົວພັນ ໄດ້ໃຫ້ກຽດຕ້ອນຮັບສອງ​ຄະນະ​ຂອງ ສສ ຫວຽດນາມ ເຂົ້າຢ້ຽມຂໍ່ານັບ ນຳ​ໂດຍ ສະຫາຍ ວູ່ ກວາງ ຍາກ ຫົວໜ້າຄະນະປະສານ​ງານ​ທະຫານ​ອາສາ​ສະໝັກ ​ແລະ ຊຽວຊານ ຫວຽດນາມຊ່ວຍ​ພາກ​ໃຕ້​ຂອງ​ລາວ ​ແຂວງ ​ຟູ​ຖໍ້ ​ແລະ ສະ​ຫາຍ ນົງ ​ເຟືອງ​ ນາມ ຫົວໜ້າຄະນະປະສານ​ງານ​ກອງ​ພົນ 613 ​ແຂວງ ອຽນບາຍ ສສ ຫວຽດນາມ ພ້ອມ​ດ້ວຍ​ຄະນະ 38 ທ່ານ ທີ່​ໄດ້ເດີນທາງມາຢ້ຽມຢາມ ແລະ ເຮັດວຽກຢູ່​ແຂວງ​ຫົວພັນ.

​ໂອ​ກາດ​ນີ້ ສະຫາຍ ວັນ​ໄຊ ​ແພງ​ຊຸມ​ມາ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່​ແຂວງ​ຫົວພັນ ຂອງສອງ​ຄະນະ​ ດັ່ງກ່າວ​ຈາກ ສສ ຫວຽດນາມ ເພື່ອເປັນການປະກອບສ່ວນສໍາຄັນ ໃນການເສີມຂະຫຍາຍຮັດແໜ້ນ ສາຍພົວພັນຮ່ວມມືທີ່ມີມາແຕ່ດົນນານ, ມູນເຊື້ອຄວາມສາມັກຄີພິເສດ ລະຫວ່າງ ສອງພັກ, ສອງລັດ ກໍ່ຄື ປະຊາຊົນທັງສອງຊາດ ລາວ-ຫວຽດນາມ ໃຫ້ໝັ້ນຄົງທະນົງແກ່ນຕະຫຼອດກາລະນານ.

ຈາກ​ນັ້ນ​ ສະຫາຍ ວັນ​ໄຊ ​ແພງ​ຊຸມ​ມາ ​ກຳມະການ​ສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງ​ຫົວພັນ​ກໍ່​​ໄດ້ລາຍ​ງານ​ສະພາບຈຸດ​ພິ​ເສດ, ​ການ​ພັດທະນາ​ເສດຖະກິ​ດ-ສັງຄົມຂອງ​ແຂວງ​ຫົວພັນ​, ວຽກງານ​ທີ່​ພົ້ນ​ເດັ່ນ​ທີ​ປະຕິບັດ​ໄດ້​ໃນ​ປີ 2018 ​​ເຊັ່ນ​: ວ່າ​​ໄດ້​ຈັດ​ກອງ​ປະຊຸມລັດຖະບານ, ກອງ​ປະຊຸມ​ສຳ​ມະ​ນາ​ວິທະຍາສາດບັ້ນຮົບປົດ​ປ່ອຍ​ຜາ​ຖີຄົບຮອບ 50 ປີ, ການ​ກະກຽມການສະເຫຼີມສະຫຼອງເມືອງ​ວຽງ​ໄຊທີ່ໝັ້ນການປະວັດລາວ​ຄົບຮອບ 50 ປີ ແລະ ສະພາບການ​ພົວພັນຮ່ວມື​ກັບບັນດາ​ແຂວງ​ຂອງ ສສ ຫວຽດນາມ​ ທີ​ໃຫ້ການ​ຊ່ວຍ​ເຫຼືອ​ແຂວງ​ຫົວພັນ​. ພ້ອມດຽວກັນນັ້ນ ສະຫາຍ ວູ່ ກວາງ ຍາກ ໄດ້ສະແດງຄວາມຂອບໃຈຕໍ່ ໃຫ້ການຕ້ອນຮັບຢ່າງອົບອຸ່ນ ຂອງຢ້ຽມຢາມ ແລະ ເຮັດວຽກຄັ້ງ​ນີ້ ພ້ອມທັງ ແຈ້ງຈຸດປະສົງ ​ແລະ ​ໂອ​ລົມ​​ເຖິ່ງມູນ​ເຊື້ອ​ການ​ຕໍ່ສູ້​ກູ້​ຊາດ​ໃນ​ໄລ່​ຍະ​ທີ​ຜ່ານ​ມາ ຂອງ​ອາ​ດີດ​ນັກຮົບ​ປະຕິ​ຫວັດ ສອງ​ຊາດ​ອ້າຍ​ນ້ອງ ລາວ-​ຫວຽດນາມ. ຈາກ​ນັ້ນ ສະຫາຍ ວັນ​ໄຊ ​ແພງ​ຊຸມ​ມາ ​ໄດ້​ອວຍພອນ​ໃຫ້​ສອງ​ຄະນະ​ດັ່ງກ່າວ ຈົ່ງ​ເຄື່ອນໄຫວທ່ອງທ່ຽວຢຽມຢາມແຂວງຫົວພັນດ້ວຍຄວາມເບີກບານມ່ວນຊື່ນ ແລະ ອວຍພອນໃຫ້ສາຍພົວພັນຮ່ວມມືອັນທີມີມູນເຊື້ອຍາວນານຈົ່ງຂຽວສົດງົດງາມ ແລະ ຢືນຢົງຕະຫຼອດໄປ.

IMG 5458IMG 5502

 

ຂຽນຂ່າວໂດຍ: ອົກ ຄຳວົງໄຊ

ກວດແກ້ຂ່າວໂດຍ: ຊາຍພອນ ລໍຄຳມີ

ບັນນາທິການຂ່າວໂດຍ: ທ່ານ ບຸນລົມ ສີເມືອງວົງ.

ປະ​ຕິ​ທິນ

ມີຖຸນາ 2018
12
3456789
10111213141516
17181920212223
24252627282930

ຈຳ​ນວນ​ຜູ້​ເຂົ້າ​ຊົມ​ເວບ​ໄຊ

ມື້​ນີ້29
ມື້​ວານນີ້183
ອາ​ທິດນີ້1213
ເດືອນນີ້4429
ຈຳ​ນວນ​ຜູ້​ເຂົ້າ​ຊົມ​ທັງ​ໝົດ129180